ពុទ្ធ ឆាយរិទ្ធី បានប្រពន្ធឱប ថើប មុនប្រកួត មានកម្លាំងចិត្តវ៉ៃឈ្នះ នឹងត្រាក់កាន

April 24, 2018

អ្នកលេងគុនខ្មែរ ពុទ្ធ ឆាយរិទ្ធី ថា បានប្រពន្ធឱប ថើប មុនចេញមកប្រកួត ជាហេតុធ្វើឲ្យមានកម្លាំងចិត្តរឹតតែខ្លាំង ក្នុងការប្រកួតប្ដូរផ្ដាច់រហូតបានឈ្នះជើងខ្លាំងថៃ នឹងត្រាក់កាន កាលពីព្រឹកថ្ងៃអាទិត្យកន្លងទៅ។

ពុទ្ធ ឆាយរិទ្ធី បានឲ្យដឹងថា បានកម្លាំងចិត្តបន្ថែមមុនការប្រកួតនោះ គឺប្រពន្ធរបស់ខ្លួនផ្ទាល់តែម្ដង មុនប្ដីចេញមកប្រកួតឱប ថើប និងប្រាប់ឲ្យប្រឹងប្រកួតដើម្បីដណ្ដើមយកជ័យជម្នះ កត្តាទាំងនេះហើយ ទើបធ្វើឲ្យអ្នកប្រដាល់ខាងលើរឹតតែប្រឹងប្រែងរហូតបានឈ្នះជើងខ្លាំងឆ្លងដែនពីថៃឡើងទៅវគ្គផ្ដាច់ព្រ័ត្រ។

អ្នកលេងគុនខ្មែរខាងលើបន្ថែមទៀត ការប្រកួតជាមួយ នឹងត្រាក់កាន នេះ ជាការប្រកួតសំខាន់ ហេតុនេះខ្លួនខំប្រឹងប្រែងខ្លាំងណាស់ ទាំងការហ្វឹកហាត់ និងរកយុទ្ធវិធីក្នុងការផ្ដួល ឬវ៉ៃឈ្នះពិន្ទុកីឡាករថៃម្នាក់នេះ។ រិទ្ធី ពិតជាសប្បាយចិត្តខ្លាំងដែលខ្លួនធ្វើបានល្អដូចនេះ ហើយក៏មិននឹកស្មានថាអាចឡើងដល់វគ្គផ្ដាច់ព្រ័ត្រនេះដែរ។

ពុទ្ធ ឆាយរិទ្ធី ឈ្នះ នឹងត្រាក់កាន ដោយពិន្ទុ ចំណែក ឡៅ ចន្រ្ទា ក៏ឈ្នះ រុងណាផា ដោយពិន្ទុដូចគ្នាកាលពីថ្ងៃអាទិត្យ ទី២២ មេសា។ ប្រដាល់របស់កម្ពុជាទាំងពីរ នឹងត្រូវប៉ះគ្នានាវគ្គផ្ដាច់ព្រ័ត្រខ្សែក្រវាត់ ISI របស់សង្វៀន CNC ថ្ងៃទី៦ ខែឧសភា ២០១៨ ខាងមុខនេះ៕

Search This Blog

Movie Entertainment 5

គ្រប់គ្នាចង់ដឹង! តើ James Rodriguez អាចលេងទល់នឹង Real Madrid បានទេ?