ម៉ន រដ្ឋា ខ្លាំងប៉ុណ្ណឹងដែរ ទប់ ធន់ មករា បាន២ទឹក

April 24, 2018

អ្នកលេងគុនខ្មែរ ម៉ន រដ្ឋា សមត្ថភាពខ្លាំងប៉ុណ្ណឹងដែរ ដល់ពេលប៉ះជាមួយសិស្សប្អូន ធន់ មករា បាន២ទឹកប៉ុណ្ណោះ ត្រូវសន្លប់និងធ្លាក់ចេញពីពានរង្វាន់នៅសង្វៀន TV5 ត្រឹមជុំទី៣កាលពីថ្ងៃសៅរ៍សប្ដាហ៍មុន។

ធន់ មករា ប្រាប់ឲ្យដឹងថា ការប៉ះគ្នាជាមួយសិស្សច្បង ម៉ន រដ្ឋា កាលពីថ្ងៃសៅរ៍កន្លងទៅនេះ ពិបាកជាងការប្រកួតពីរជុំមុន ព្រោះមកដល់ជុំទីបីនេះសុទ្ធតែកីឡាករល្អ ជើងខ្លាំងទើបអាចឈានដល់វគ្គនេះ ណាមួយគ្រប់គ្នាប្រុងប្រយ័ត្នខ្លាំងពេលប្រកួត។ មិនថាខ្លួនឯង ឬដៃគូទេសុទ្ធតែចង់ឈ្នះបានឡើងទៅជុំពាក់កណ្ដាលផ្ដាច់ព្រ័ត្រដូចគ្នា ដូច្នេះវ៉ៃចេញមួយៗគឺប្រយ័ត្នណាស់ ជាហេតុធ្វើឲ្យការប្រកួតនេះហាក់លំបាកខ្លាំងទៅវិញទៅមក។

កីឡាករជម្រើសជាតិថ្នាលគុនខ្មែរខាងលើបន្តថា ម៉ន រដ្ឋា ព្យាយាមដាក់សម្ពាធខ្លាំងមកលើខ្លួន តាមរយៈការដើរចូលវ៉ៃមិនដកថយ ប៉ុន្តែការធ្វើបែបនេះមិនបានសម្រេចនោះទេ ពោលដោយសារខ្លួនដឹងមុន និងគ្រប់គ្រងស្ថានការណ៍បានល្អ។ រាល់ការវ៉ៃមកទាំងប៉ុន្មាន គឺ មករា ព្យាយាមតបទៅវិញមិនឲ្យដៃគូបានចិត្តឡើយ។

សម្រាប់ការប្រកួតជម្រុះចាញ់ធ្លាក់ជុំទី៣ នៃពានរង្វាន់សង្វៀន TV5 កាលពីថ្ងៃសៅរ៍ ទី២១ មេសា កន្លងទៅនេះ រកឃើញកីឡាករពីររូបឡើងទៅវគ្គពាក់កណ្ដាលផ្ដាច់ព្រ័ត្រហើយ មាន ធន់ មករា និង យុគ យក្សផ្លែ។ មករា ឈ្នះ ម៉ន រដ្ឋា នៅទឹកទី២ ខណៈ យុគ យក្សផ្លែ ផ្ដួល បឺត សង្ឃឹម ឲ្យសន្លប់ក្នុងទឹកទី៣៕

Search This Blog

Movie Entertainment 5

គ្រប់គ្នាចង់ដឹង! តើ James Rodriguez អាចលេងទល់នឹង Real Madrid បានទេ?