John Cena ប្រារព្ធ​ខួប​កំណើត​ចម្លែក​ខុស​គេ​ !

​ខួប​កំណើត​ទី​៤១​ឆ្នាំ​ របស់​បុរស​កីឡាកាស​ John Cena នៅ​ឆ្នាំ​នេះ​ គឺ​មាន​ភាព​ខុស​ប្លែក​ខ្លាំង​ពី​គេ​ឯង​ ព្រោះ​​ជា​ធម្មតា​ នៅ​ថ្ងៃ​ខួប​កំណើត​ ​តារា​ភាគ​ច្រើន​តែង​រៀប​ចំ​ពិធី​ជប់លៀង​ និង​ញ៉ាំ​អាហារ​ឆ្ងាញ់​ៗ​នៅ​​ភោជនីយដ្ឋាន​​ថ្លៃ​ៗ យ៉ាងណាមិញ​ បុរស​សាច់ដុំ​ធំៗ​ Jonh Cena បែរ​ជា​ធ្វើ​អ្វី​ដែល​ប្លែក​ខុស​គេ​ខ្លាំង​នៅ​ថ្ងៃ​ខួប​កំណើត​ ដោយ​ទៅ​កន្លែង​ហាត់​ប្រាណ​ទៅ​វិញ​។



ជាក់ស្ដែង​ តារា​សាច់​ហាប់​ណែន​ John Cena បាន​ចែកចាយ​វីដេអូ​នៅ​លើ​បណ្ដាញ​សង្គម​ Twitter របស់​ខ្លួន​ថា អាយុ​គឺ​គ្រាន់​តែ​តួ​លេខ​ប៉ុណ្ណោះ​។

“អាយុ​៤១​ឆ្នាំ លើក​ទម្ងន់​ ១៦០ គីឡូ​ក្រាម​ ។ កុំ​ឲ្យ​អាយុ​ជា​កត្តា​កំណត់​កម្លាំង​ខិតខំ​របស់​អ្នក​"។ នេះ​ជា​សារ​របស់​លោក​ John Cena នៅ​លើ​បណ្ដាញ​សង្គម​។

ការ​ប្រារព្ធ​ពិធី​ខួប​កំណើត​ឯកា​ចម្លែក​របស់​បុរស​សាច់​ដុំ​យក្ស​ John Cena នៅ​ឆ្នាំ​នេះ​ ត្រូវ​បាន​គេ​មើល​ឃើញ​ថា ព្រោះ​តែ​តារា​រូប​នេះ​ទើប​តែ​បែក​គ្នា​ជាមួយ​គូ​ដណ្ដឹង​ Nikki Bella មិន​ប៉ុន្មាន​ថ្ងៃ​មុន​ថ្ងៃ​ខួប​កំណើត​របស់​លោក​។