Zlatan ចង់​ចូល​ហូលីវូដ ក្រោយ​ព្យួរ​ស្បែកជើង​ពី​បាល់ទាត់

Zlatan Ibrahimovic បាន​និយាយ​ថា គេ​ចង់​ឈាន​ជើង​ចូល​វិស័យ​ភាពយន្ត​ហូលីវូដ ក្រោយ​ឈប់​រត់​លើ​វាល​ស្មៅ។



សាកសួរ​គោល​បំណង​ខាង​មុខ​​ក្នុង​​កម្មវិធី​វិទ្យុ ​អាមេរិក តើ​គេ​អាច​ធ្វើ​ជា​តារា​ជំនួយ​ជាមួយ The Rock ឬ Arnold Schwarzenegger បាន​ទេ? Zlatan តប​ថា៖ "ខ្ញុំ​គិត​ថា​អាច​ធ្វើ​តួ​ឯក​បាន​ ក្នុង​រឿង “Rambo” ឬ “Bourne Identity​” ព្រោះ​ខ្ញុំ​គិត​ថា ខ្ញុំ​មាន​ជំនាញ​សម្ដែង​បាន។ មនុស្ស​មួយ​ចំនួន​គិត​ថា ខ្ញុំ​គួរ​តែ​សម្ដែង​តួ​អាក្រក់​​ក្នុង​ភាពយន្ត ព្រោះ​សំឡេង​និយាយ​ភាសា​អង់គ្លេស​របស់​ខ្ញុំ​ដូច​តួ​កាច I van Drago អ៊ីចឹង។

យ៉ាងណាក្ដី ខ្សែ​ប្រយុទ្ធ​កណ្ដាល​​រូប​នេះ​ យល់​ថា​ខ្លួន​ ទទួល​បាន​ភាព​កក់​ក្ដៅ​នៅ​តំបន់ Hollywood នៃ​ទីក្រុង Los Angeles រួច​ទៅ​ហើយ ក្រោយ​ផ្ទេរ​ពី​ Man Utd នៅ​ប៉ុន្មាន​សប្ដាហ៍។ កាល​ពី​ខែ មីនា ឆ្នាំ​ ២០១៨ Zlatan Ibrahimovic វ័យ​៣៦​ឆ្នាំ​បាន​សម្រេច​ចេញ​ពី​ទឹក​ដី​អង់គ្លេស​មក​ចូលរួម​ជាមួយ LA Galaxy ដើម្បី​ប្រជែង​ពាន​លីគ​កំពូល​អាមេរិក Major League Soccer៕ ​​​